বৰ্তমান সময়ত ইণ্টাৰনেটত অসমীয়া লিখিবলৈ, আগৰ দিনৰ দৰে জটিল হৈ থকা নাই৷ বিভিন্নজনে ইতিমধ্যে বহুকেইখন অসমীয়া কীব’ৰ্ড সাজি উলিয়াইছে যদিও মোৰ চিনাকি এগৰাকী ব্যক্তিয়ে স্বেচ্ছাসেৱী মনোভাৱেৰে ইণ্টাৰনেটত আমাৰ অসমীয়া ভাষাটোৰ উন্নয়নৰ হকে বহুকেইটা কামৰ গুৰি ধৰি সেইকেইটা কাম সুন্দৰকৈ সম্পূৰ্ণও কৰিছে৷ তেখেতৰ নামটো হ’ল শ্ৰীযুত মৃদুল কুমাৰ শৰ্মা৷ ২০১৯ চনৰ কোনো এটা দিনত তেখেত আৰু তেখেতৰ কেইবাগৰাকীও সহকৰ্মীয়ে লগ হৈ লাচিত.অৰ্গ নামৰ এটা ৱেবচাইট সাজি উলিয়াই তাতেই তেওঁলোকৰ দ্বাৰা তৈয়াৰ হোৱা বিভিন্ন ধৰণৰ ছফ্টৱেৰসমূহ বিনামূলীয়াকৈ ডাউনল’ড কৰাৰ ব্যৱস্থা কৰি দিছে৷ আমাৰ ভাষা আৰু সাহিত্যৰ জয় জয়কাৰেই হ’ল তেওঁলোকৰ মুখ্য উদ্দেশ্য৷
মই যোৱাবছৰৰ পৰাই মোৰ ম’বাইল আৰু কম্পিউটাৰত ইউনিক’ডত অসমীয়া লিখিবলৈ লাচিত.অৰ্গৰ দ্বাৰা নিৰ্মিত ছফ্টৱেৰসমূহ ব্যৱহাৰ কৰি আহিছোঁ৷ আৰু বৰ সহজে অসমীয়া আখৰবোৰ লিখিবলৈ সক্ষম হৈছোঁ৷অৱশ্যে মই লাচিত.অৰ্গৰ ইন্সক্ৰিপ্ট কীব’ৰ্ডখনহে ব্যৱহাৰ কৰোঁ৷ কাৰোবাৰ বাবে সেইখন কীব’ৰ্ড কিছু জটিল হ’ব পাৰে৷ তেওঁলোকে লাচিতৰ ফ’নেটিক কীব’ৰ্ডো ব্যৱহাৰ কৰিব পাৰে৷ তলত লাচিত.অৰ্গৰ ৱেবচাইটত থকা কীব’ৰ্ড পৃষ্ঠাৰ যোগসূত্ৰটো দিয়া হ’ল, তাৰপৰাই আপোনালোকৰ প্ৰয়োজনমতে ডাউনল’ড কৰি ল’ব পাৰিব৷
0 comments:
Post a Comment