আপুনি জানিবলৈ পাই আচৰিত হ’ব যে তেখেত বিখ্যাত সাহিত্যিক হোৱাৰ আগতে মুম্বাই মহানগৰীৰ এটা সাধাৰণ গেৰেজৰ গাড়ীৰ মেকানিক আছিল। বিশিষ্ট কবি, গীতিকাৰ, চলচ্চিত্ৰ পৰিচালক গুলজাৰলৈ আগবঢ়োৱা হৈছে ২০১৩ বৰ্ষৰ দাদা চাহেব ফাল্কে বঁটা। ১৯৩৬ চনৰ ১৮ আগষ্টত জন্মগ্ৰহণ কৰা গুলজাৰৰ প্ৰকৃত নাম— সম্পূৰণ সিং কালৰা। ‘আশীৰ্বাদ’, ‘আনন্দ’, ‘খামোছী’ আদি ছবিৰ চিত্ৰনাট্য আৰু সংলাপ লিখাৰ পাছত গুলজাৰে ১৯৭১ চনত পৰিচালনা কৰিছিল প্ৰথমখন ছবি— মেৰে আপনে। সেইখন আছিল তপন সিংহৰ বঙালী ছবি ‘আপনাজন’ (১৯৬৯)ৰ ৰিমেক। তাৰপিছত গুলজাৰে পৰিচালনা কৰে ‘পৰিচয়’ আৰু ‘কোচিচ’। কমলেশ্বৰৰ হিন্দী উপন্যাস ‘কালী আন্ধী’ৰ আধাৰত নিৰ্মাণ কৰা ‘আন্ধী’ হৈছে গুলজাৰৰ এখন বিখ্যাত ছবি। ‘তেৰে বিনা জিন্দগী চে কোয়ী’, ‘মেৰা কুচ চামান’, ‘মুছাফিৰ হু য়াৰো’— আদি হৈছে তেওঁৰ কেইটামান জনপ্ৰিয় গীত। ২০০৪ চনত পদ্মভূষণ সন্মান লাভ কৰা গুলজাৰলৈ ২০০২ চনত আগবঢ়োৱা হৈছিল সাহিত্য একাডেমী বঁটা। শ্ৰেষ্ট গীতিকাৰৰ সৰ্বাধিক ১১টা বঁটা লাভৰ অভিলেখো আছে তেওঁৰ নামত। ২০১২ চনত ৰাষ্ট্ৰীয় একতাৰ ক্ষেত্ৰত গুলজাৰলৈ ইন্দিৰা গান্ধী বঁটা আগবঢ়োৱা হৈছিল।
আজি তেখেতৰেই এটি কবিতাৰ অনুবাদ আপোনালোকলৈ আগবঢ়ালো...
আজি তেখেতৰেই এটি কবিতাৰ অনুবাদ আপোনালোকলৈ আগবঢ়ালো...
‘‘কোনো দুৰণিৰ স্মৃতিয়ে মোক আগভেটা দি কয়
ইমান তপত পথেৰে
তুমি ক’লৈ খোজ দিয়া?
আহা.,
পাৰ হৈ যোৱা
দিনবোৰৰ ছায়াত
জিৰণি লওঁ,
সেই লহমাবোৰৰ কথা পাতোঁ
য’ত এদিন মাধৈমালতি ফুলিছিল...
সেই লহমাবোৰৰ
কথা পাতোঁ
য’ত এদিন শব্দৰ নূপুৰ বাজিছিল,
আৰু সেই লহমাবোৰৰ
কথা পাতোঁ
য’ত এদিন কাৰোবাৰ
চাৱনিত মুকুতা সৰিছিল...
কোনো দুৰণিৰ
স্মৃতিয়ে মোক আগভেটা দি কয়
ইমান তপত পথেৰে
তুমি ক’লৈ খোজ দিয়া?’’
আমাৰ পৃষ্ঠা
0 comments:
Post a Comment